სკოლის კურიკულუმი

სკოლების ავტონომიურობის ხარისხის გაზრდა - სკოლებისთვის მეტი ინიციატივისა და შემოქმედებითი თავისუფლების მისაცემად მესამე თაობის ეროვნულ სასწავლო გეგმაში გამოიკვეთა სასკოლო კურიკულუმების მნიშვნელობა. საამისოდ, ეროვნული სასწავლო გეგმა ორ ნაწილად გაიყო: საფეხურის სტანდარტები, რომლებიც წარმოადგენს სავალდებულო მოთხოვნებს საქართველოს ყველა სკოლისთვის და წლიური პროგრამები, რომლებიც რეკომენდაციებს იძლევა სასკოლო კურიკულუმების განვითარებისთვის. 

ეროვნულ სასწავლო გეგმაში შეტანილ იქნა მთელი რიგი მეთოდიკური შინაარსის ცვლილებები, რომლებიც ცოდნის გააზრებულად კონსტრუირებას შეუწყობს ხელს, კერძოდ:

 1. სავალდებულო გახდა ყველა საგნის კურიკულუმის აგება ისეთი თემების გამოყენებით, რომლებიც მოსწავლისთვის ნაცნობ კონტექსტებს წარმოადგენს; 

2. სასწავლო თემის სწავლა-სწავლების დასაგეგმად შემუშავდა დიზაინი, რომლის აუცილებელი კომპონენტებია: ცნებები, მკვიდრი წარმოდგენები, საკვანძო შეკითხვები და კომპლექსური დავალებები.

ლინკზე დაწკაპეპით შეგიძლიათ გაეცნოთ სკოლის კურიკულუმს საგნებისა და კლასების მითითებით :

სსიპ ქალაქ ქუთაისის N36 საჯარო სკოლის 2021-2022 სასწავლო წლის კურიკულუმი 

სსიპ ქალაქ ქუთაისის N36  საჯარო სკოლის 2023-2024 სასწავლო წლის კურიკულუმი