ევროპისა და მისი მეზობელი ქვეყნების სკოლების თანამშრომლობის ხელშესაწყობად შექმნილი ონლაინ პლატფორმა – eTwinning ევროკომისიის ინიციატივაა, რომელიც შესაძლებლობას აძლევს მასწავლებლებს, ევროპის 44 ქვეყნიდან, საერთო პროექტები დაგეგმონ და განახორციელონ, საუკეთესო გამოცდილება გააზიარონ და მოსწავლეებთან ერთად ითანამშრომლონ. ერთ-ერთი მთავარი მიზანი სწორედ სკოლების არაფორმალური დამეგობრებაა.
eTwinning, არის კარგი შესაძლებლობა, რომელსაც მუდმივი განვითარება მოაქვს როგორც პედაგოგისთვის, ასევე მოსწავლეებისათვის. იგი ამასთანავე არის მოტივატორი, რათა მოსწავლეებთან ერთად, მეტი წარმატებული პროექტი განვახორციელოთ, უფრო დავუახლოვდეთ, აღმოვაჩინოთ მოსწავლეთა შესაძლებლობები, დახმარება გავუწიოთ მათ და ამასთანავე თავადაც გავიზარდოთ პროფესიონალურად.
სკოლების მიერ ნამუშევრების ეროვნულ და ევროპულ პორტალებზე განთავსება თვალსაჩინოდ წარმოაჩენს პედაგოგთა, მოსწავლეთა ერთობლივ საქმიანობას, ხოლო ხარისხის ნიშნის მინიჭება პროექტებისთვის, როგორც ეროვნულ, ასევე ევროპულ დონეზე, საამაყოა თითოეული სკოლის მოსწავლის, მშობლისა და მასწავლებლისთვის.
გილოცავთ 
წინ, ერთად წარმატებისკენ !
წინ, ერთად წარმატებისკენ ! 
No comments:
Post a Comment