ღია გაკვეთილი მათემატიკაში, პედაგოგი მერი აბულაძე

გაკვეთილის მიზანი იყო მოსწავლეებს წარმოეჩინათ ცოდნა ერთობლივ მოქმედებებზე წილადებსა და ათწილადებზე და ყოფა-ცხოვრებაში მისი გამოყენების შესახებ.

მათ მიეცათ სამი ტიპის კომპლექსური დავალება ცხოვრებისეულ საკითხებზე: მენეჯერულ საქმიანობაზე, სალათების დამზადებაზე და აგარაკის მშენებლობაზე. მოსწავლეებმა კარგად გაართვეს თავი დავალებას,შემოქმედებითად მიუდგნენ მის შესრულებას, არგუმენტირრებულად დაასაბუთენ შესრულებული სამუშაო და დაიმსახურენ მაღალი შეფასება.

ემოციური ინტელექტი (EQ)

წარმატებული ადამიანები ყოველთვის ცდილობენ განივითარონ საკუთარი უნარ-ჩვევები და მართონ ემოციები. პიროვნული განვითარება ადამიანის არსებაში მიმდინარე თავისთავადი პროცესია. როდესაც ადამიანი პიროვნულად ძლიერი და შემდგარია მისთვის ნებისმიერი სახის სირთულე ადვილად დასაძლევია. 

ემოციური ინტელექტის განვითარების კუთხით მე-8ბ კლასის მოსწავლეებს დამრიგებელმა შესთავაზა ფილმი "თავისუფლების მწერლები”. ფილმის ნახვის შემდეგ გაიმართა დისკუსია და ისაუბრეს თუ როგორ ცდილობს მასწავლებელი აჩვენოს ახალგაზრდებს როგორ გახდნენ წარმატებულნი, ირწმუნონ საკუთარი შესაძლებლობები. როგორ შთააგონებს მათ ისწავლონ ტოლერანტობა, რადგან შეძლონ არა ძალადობის გზით განსხვავებული კულტურის, რასის, სქესის, რელიგიის მქონე ადამიანებთან ეფექტური ურთიერთობების დამყარება და მეგობრობის გაღრმავება. რა ძალა და მუშაობა სჭირდებათ ერთმანეთის დასაფასებლად.

გამოხატე და გამოიცანი ემოცია

 ემოციები ჩვენი ცხოვრების განუყოფელი ნაწილია. ის ფონად გასდევს ადამიანის ნებისმიერ საქმიანობას და გარემოს გამღიზიანებელზე ბუნებრივი პასუხია. როდესაც ემოციების მოჭარბება ხდება, ჩვენი რეაქციები ჩვეულებრივისგან განსხვავდება – ვაკეთებთ ან ვამბობთ იმას, რასაც ჩვეულებრივ არ გვახასიათებს. ბავშვობის ასაკში მსგავსი მდგომარეობა ხშირია, რაც ემოციების მართვისა და მათთან გამკლავების უნარების ნაკლებობით აიხსნება. იმისათვის, რომ ბავშვებმა შეძლონ ემოციური თვითკონტროლისა და ემოციური ინტელექტის განვითარება ჩვენ შეგვიძლია მათთვის მხარდაჭერისა და დახმარების აღმოჩენა.

ტრენინგი მართე და აკონტროლე ემოცია

ოდესმე თუ გითქვამთ გაბრაზების ფონზე ისეთი რამ, რაც შემდეგ გინანიათ?  გაგჭირვებიათ საკუთარი ემოციების მართვა? უკან დაუხევიხართ შიშს, იმ რისკების აღებისას, რომელსაც თქვენთვის სარგებლის მოტანა შეეძლო? 

ამ და სხვა მნიშვნელოვან საკითხებზე წარიმართა საუბარი სკოლის მე-6, მე-7 ,მე-8 კლასის მოსწავლეებთან, რომელიც ემოციური ინტელექტის განვითარებას მიეძღვნა. 

შეხვედრაზე მოსწავლეებმა განიხილეს მაგალითები, როგორც საკუთარი ცხოვრებიდან ასევე მოყვანილი იყო ზოგადი მაგალითები. მსჯელობისას მოსწავლეებმა აღნიშნეს, რომ ემოციების მართვა არ ნიშნავს მათ ჩახშობას, დარდის იგნორირებას და თავის მოჩვენება იმაზე, რომ რაღაც არ გვაწუხებს, ამ ემოციებს მაინც ვერ განდევნის, თუმცა შეთანხმდნენ ძალიან მართებულ წესზე:  რაც უფრო მეტ დროს და ყურადღებას უთმობთ თქვენი ემოციების რეგულაციას, მენტალურად უფრო ძლიერი ხდებით და დროთა განმავლობაში მიაღწევთ თავდაჯერებულობის იმ წერტილს, როცა მშვიდად გაუმკლავდებით ემოციურ დისკომფორტს

 

კათედრების წევრებთან შეხვედრა და სხვადასხვა სტრატეგიის შემუშავება

როგორც მოგეხსენებათ ცხოვრება გვიწევს პრობლემებით დახუნძლულ და უარყოფითი ემოციებით სავსე სამყაროში. ნეგატივის გამოწვევის მიზეზებია სახელმწიფოში შექმნილი რთული ეკონომიური მდგომარეობის გამო ქვეყნიდან გასული, ემიგრანტი მშობლები, რომელთა შვილები განიცდიან ურთიერთობების დეფიციტს, აქვთ გაჯეტებთან მიჯაჭვულობა, განიცდიან ფსიქოლოგიურ საჭიროებების დაუკმაყოფილებლობას და უჭირთ ემოციების მართვა, რაც გამოწვეულია ემოციური ინტელექტის დეფიციტით. დღევანდელ რეალობაში, უფრო და უფრო მეტი ადამიანი მიიჩნევს, რომ ემოციური ინტელექტი ისეთივე მნიშვნელოვანია ნებისმიერი პიროვნების ცხოვრებაში, როგორც სხვა ტექნიკური უნარი. ნუ დავტოვებთ ბავშვებს საკუთარ გრძნობებთან მარტო. მძიმე ემოციურ განცდებით შეპყრობილი ბავშვისთვის გადამწყვეტი მნიშვნელობა აქვს მშობლების, მასწავლებლების, მეგობრების გვერდით ყოფნას, თანაგრძნობას და თანაგანცდას მათი მხრიდან. შესაბამისად, ემოციური ინტელექტის ამაღლება დაგვეხმარება არამარტო პირადი ცხოვრების გაუმჯობესებაში, არამედ მომავალი ცხოვრების სწორად დაგეგმვაში და მართვაშიც. საბოლოო ჯამში კი, ამ უნარის მეშვეობით, შეგვიძლია აღმოვაჩინოთ სიმშვიდე და ბედნიერება ყოველდღიურ ცხოვრებაში.

ჩვენი გარემო - „მიკრობები ყველგან ცხოვრობენ“

 სსიპ ქალაქ ქუთაისის N36 საჯარო სკოლაში 2021 წლის 26 თებერვალს მე-4 -დ კლასში /პედაგოგი: ირმა კოჭბიანი/ USAID Basic Education Program ფარგლებში დაინერგა თემატური სასწავლო ერთეული ქართულ ენასა და ლიტერატურაში. (რომელიც შემუშავდა აკაკი წერეთლის სახელობის სახელმწიფო უნივერსიტეტის მხარდაჭერით)

ძირითადი რესურსი/ტექსტი: ნ. სურმავას საინფორმაციო-შემეცნებითი ტექსტი „მიკრობები ყველგან ცხოვრობენ“ თემა: ჩვენი გარემო სამიზნე ცნება: ფუნქციური სამეტყველო ქმედება სამიზნე ცნების საკვანძო შეკითხვა / შეკითხვები: • როგორ გამოვიყენო ჩემი ცოდნა-გამოცდილება მსმენელზე შთაბეჭდილების მოსახდენად? კომპლექსური დავალების პირობა წარმოიდგინე, რომ მართავ პრესკონფერენციას შენი თანატოლებისთვის, თემაზე „ვირუსები“. მოამზადე მიმართვა, რომელშიც თანატოლებს დაანახებ, რა ზიანის მოტანა შეუძლიათ ვირუსებს და მათ გამომწვევ მიკრობებს, როგორ უნდა მოვიქცეთ პანდემიისას, რომ თავი დავიცვათ მათი მავნებლობისაგან. გაითვალისწინე: • მიმართვის ტექსტის სტრუქტურა და 5-6 წინადადებით გადმოეცი სათქმელი; მიმართვისას გამოიყენე შესაბამისი შესიტყვებები ტექსტიდან. გამოიყენე მიზეზ-შედეგობრივი მიმართების გამომხატველი სიტყვები და შეეცადე, ისაუბრო დამაჯერებლად. • პრესკონფერენციის დროს უპასუხე თანატოლების მიერ დასმულ თემატურ კითხვებს. დავალების წარდგენის შემდეგ ისაუბრე: • როგორ მოემზადე გამოსვლისათვის, რით იყო შენთვის საინტერესო ამგვარი მუშაობა? • რატომაა ეფექტური რჩევების ამ ფორმით გაზიარება თანატოლებისათვის; • რას შეცვლიდი, თავიდან რომ იწყებდე ამ დავალებაზე მუშაობას. მოსწავლეებმა მოისმენეს რეალური პრესკონფერენცია (5 წუთი) პანდემიის საკითხებზე და შეავსეს წინასწარ შედგენილი კითხვარი. მასწავლებელმა მოსწავლეებთან შეთანხმებით შერჩეულ თემაზე გააკეთა მიმართვის მოდელირება და დასრულების შემდეგ მოსწავლეებს დაუსვა კითხვები - რა გააკეთა? რით დაიწყო? როგორ ისაუბრა? რით დაასრულა მიმართვა? შემდეგ გაიხსენეს ტექსტი ,,მოკრობები ყველგან არიან“ მოამზადეს მომხსენებლისთვის. კითხვები და მოათავსეს სპეციალურ ყუთში, რათა პრესკონფერენციისას მომხსენებელმა უპასუხოს ნებისმიერ 2 მათგანს. მოსწავლეებმა მოამზადეს ტექსტი პრესკონფერენციისთვის და წინასწარ მომზადებულ სივრცეში გამართეს პრესკონფერენცია. უპასუხეს თანაკლასელების შეკითხვებს. გაკვეთილს ესწრებოდა სკოლის დირექტორის მოვალეობის შემსრულებელი ლელა გრძელიშვილი, რომელიც ჩაერთო პრესკონფერენციის მიმდინარეობაში, როგორც კომპეტენტურმა პირმა მნიშვნელოვანი დამატებითი ინფორმაციები მიაწოდა მოსწავლეებს მიკრობების შესახებ. გაკვეთილის დასრულების შემდეგ ქალბატონმა ლელამ კონსტრუქციული უკუკავშირი მიაწოდა პედაგოგს.

ცეკვასა და სიმღერას არასდროს შევწყვეტ...

ლევან შარვაშიძე სსიპ ქალაქ ქუთაისის N36 საჯარო სკოლის მე-11 კლასის მოსწავლეა. იგი ხელოვნებაზე, ცეკვაზე, სიმღერაზე უსაზღვროდაა შეყვარებული. ქართული ცეკვისა და სიმღერისადმი დაინტერესებას ბავშვობიდანვე ამჟღავნებდა. მისდამი სიყვარული დღემდე მოჰყვება. იგი დღეს ანსამბლ „გენის“ წამყვანი მუსიკოსი და  ანსამბლ „კოლხას“ სოლისტია.
ლევანის უკეთ გასაცნობად რამდენიმე კითხვით მივმართეთ.
კითხვაზე, თუ რა არის თქვენთვის ხელოვნება, ლევანი გვპასუხობს: ხელოვნება ეს ჩემთვის აღმაფრენა, ჩემი ცხოვრების განუყოფელი ნაწილია, უფრო სწორად, ხელოვნება თავად ცხოვრებაა. მას ადამიანებში შეგრძნებების, ემოციების გაღვივება შეუძლია და მათ უკეთესობისკენ ცვლის...

მოგვიყევი შენ შესახებ... 

ბევრს ვერაფერს გეტყვით, მხოლოდ ცეკვასა და სიმღერაზე შემიძლია გითხრათ (იღიმის). ქართული ცეკვის რთული ილეთების ოსტატობამ, დახვეწილობამ და სიდიადემ ბავშვობიდანვე მიიპყრო ჩემი ყურადღება. ყოვეთვის მინდოდა მეც ისე ლამაზად მეცეკვა და ჩემი გრძნობები გადმომეცა, როგორც ამას სცენაზე ან ტელევიზორის ეკრანზე ვხედავდი. 

რადგან საკუთარი თავის შესახებ ბევრი არაფერი გვითხრა, ლევანს ვთხოვეთ, სამი სიტყვით დაეხასიათებინა საკუთარი თავი.

მისი პასუხი ასეთი გახლდათ: მშრომელი, მიზანდასახული და მებრძოლი.

ქართული ცეკვა სულს აყალიბებსო, გამიგია, შენში რა ცვლილებები გამოიწვია ხელოვნებისა და კონკრეტულად ქართული ცეკვის სიყვარულმა?

ალბათ ის, რომ ჩემს პიროვნულ ჩამოყალიბებას შეუწყო ხელი. ცეკვა სასიცოცხლო ენერგიით მავსებს და ჩემს ცხოვრებას ახალ ფერებს მატებს.


როგორ გგონია, წინა ცხოვრებაში რა პროფესიის ადამიანი შეიძლებოდა ყოფილიყავი? 
ეღიმება,  ალბათ ის ვიქნებოდი, რაც ახლა ვარ... აუცილებლად ჩემს ქვეყანაზე, კულტურასა და ხელოვნებაზე შეყვარებული ქართველი ხელოვანი. ქართული ცეკვა არის ქართული ტემპერამეტის, ქართული სულისა და  ხასიათის გამოხატულება. ალბათ, ეს ტემპერამენტი, სული და ხასიათია, მოსვენებას რომ არ მაძლევს და აგერ ამ ცხოვრებაშიც გადმომყვა...

კოსმოსში სიმღერა ჩაკრულოსთან ერთად რომელ ქართულ ცეკვას გააგზავნიდი?

ცეკვა ხორუმს. ჩაკრულო არის  ქართული კულტურის უძლიერესი ფენომენი. ასევე მიმაჩნია ცეკვა ხორუმი, რომელსაც მგონია, რომ  ბადალი არა ჰყავს.  ჩვენი წინაპრები ოდითგანვე ხორუმს ცეკვავდნენ იმიტომ, რომ ეს იყო ერთ-ერთი უძლიერესი საბრძოლო ცეკვა ცეკვათა შორის... ვფიქრობ, რომ საქართველოს ისტორიის ამოიკითხვა  ყველაზე უკეთ ხორუმით შეიძლება .

ლევანს ვკითხეთ სამომავლო გეგმების შესახებ.
ცეკვასა და სიმღერას არასდროს შევწყვეტ. სუხიშვილებთან ვაპირებ კარიერის გაგრძელებას, რა თქმა უნდა, მინდა, ძალიან მალე მოხდეს ჩემი ამ დიდ ოჯახში მიღება.


ვუსურვებთ ლევანს დასახული მიზნების მიღწევას და დიდ წარმატებას.