ქუთაისის N36 საჯარო სკოლა ბავშვთა დაცვის საერთაშორისო დღესასწაულს სხვადასხვა აქტივობებით შეუერთდა. ღონისძიებაში ჩაერთო როგორც დაწყებითი, ასევე საბაზო და საშუალო საფეხურის მოსწავლეები. გარდა სკოლის აქტივობებისა, ქალაქში ჩატარებულ ვაჟებს შორის ფეხბურთში, ქუთაისის N36 საჯარო სკოლის გუნდმა მე-2 ადგილი მოიპოვა.
პატარებმა ფერადი ცარცითა და ნაირ-ნაირი ბუშტებით მოხატეს და მორთეს სკოლის ეზო.
მეტი ინფორმირებისთვის მოსწავლეებმა შექმნეს ნახატები და ბუკლეტები, სადაც კიდევ ერთხელ გაესვა ხაზი ამ დღის მნიშვნელობას. მათი ნამუშევრები სკოლის ფოიეში გამოიფინა.
„სიმღერით, ღიმილით, ცეკვითა და დადებითი განწყობით კიდევ ერთი ლამაზი დღე ჩაიწერა სკოლისა და თითოეული მოსწავლის მეხსიერებაში.
ამ ლამაზ დღეს ქალაქის მასშტაბით დაეთმო სპორტული ღონისძიებები, სადაც სკოლის გუნდმა ვაჟებს შორის ფეხბურთში მე-2 ადგილი მოიპოვა.
კიდევ ერთხელ გილოცავთ ბავშვთა დაცვის საერთაშორისო დღეს. ლაღ, მხიარულ, ფერად ბავშვობას და წარმატებულ მომავალს გისურვებთ!“
სსიპ ქალაქ ქუთაისის N36 საჯარო სკოლის მეექვსე კლასელებს შორის გაიმართა ტრადიციული ინტელექტუალური შეჯიბრი "ჩვენ გვიყვარს საქართველო", რომლის ხელმძღვანელი გახლდათ ისტორიის პედაგოგი, ინეზა კაციტაძე.
გარდა იმისა რომ მოსწავლე ასეთი აქტივობებით კიდევ უფრო ეუფლება ცოდნას, აგრეთვე მსგავსი ღონისძიებები დიდ როლს თამაშობს ემოციური ინტელექტის განვითარების კუთხითაც, რადგან თვითრეგულაცია , რომელიც საკუთარი ემოციების კონტროლისა და იმპულსების შეკავების უნარია ძალიან მნიშვნელოვანია მოზარდისათვის, რათა მან შეძლოს სტრესთან გამკლავება, კონფლიქტების მართვა, სწორი კომუნიკაცია.
