სადეზინფექციო სამუშაოები ჩვენ სკოლაში

საქართველოს განათლების, მეცნიერების, კულტურისა და სპორტის სამინისტროს დავალებით, ვირუსის გავრცელების პრევენციისა და რისკის ეფექტიანი მართვის მიზნით სსიპ ქალაქ ქუთაისის N36 საჯარო სკოლაში 5 მარტს სადეზინფექციო სამუშაოები ჩატარდა.
პეციალური ხსნარით დამუშავდა  შენობების შიდა პერიმეტრი. დეზინფექცია დილით მეოთხე სართულიდან დაიწყო და მოიცვა შენობის მთელი სივრცე: საკლასო ოთახები, კაბინეტ-ლაბორატორიები, დერეფნები, დამხმარე სათავსოები, საპირფარეშოები, სპორტული და საკონფერენციო დარბაზები, ბიბლიოთეკა, კვების ობიექტი. სადენზიფექციო სამუშაოები შეასრულა შპს ქუთაისის პროფილაქტიკური დეზინფექციის სადგურის სამსახურმა . სამსახურის დირექტორი მალვინა მანდარია. სკოლა დამუშავდა სპეციალური სადეზინფექციო მაღალი აქტიური ხსნარით, რომელსაც გააჩნია სადეზინფექციო ფართო სპექტრი. მათივე ინფორმაციით, ამ ეტაპზე სკოლის სპეციალური ხსნარით ერთხელ დამუშავება საკმარისია, რომელიც 2 დღის შემდეგ გაიწმინდება სველი წესით ჯანდაცვის, სამინისტროს მიერ მოწოდებული რეკომენდაციების დაცვით.
გისურვებთ ჯანმრთელობას.

წრე ინფორმაციულ და საკომუნიკაციო ტექნოლოგიებში

სსიპ ქალაქ ქუთაისის N36 საჯარო სკოლაში ფუნქციონირებს წრე ინფორმაციულ და საკომუნიკაციო ტექნოლოგიებში, რომელშიც გაწევრიანებულნი არიან სკოლის მე-6, მე-7, მე-8 კლასის მოსწავლეები. მეცადინეობას უძღვება ახალი სკოლის მოდელის ექსპერტი ბატონი ავთანდილ ცნობილაძე.

გარე გაკვეთილის მოლოდინში

სსიპ ქალაქ ქუთაისის N36 საჯარო სკოლის მე-4 კლასში, ქართულ ენასა და ლიტარატურაში პედაგოგ დარეჯან ლურსმანაშვილის მიერ ჩატარდა გაკვეთილი თემაზე: ,,ჭიამაია  და   ბოროტი კაცი"(ჭაბუა ამირეჯიბი). გაკვეთილის მიზანი გახლდათ მოსწავლემ შეძლოს ზღაპრის სიუჟეტური ხაზის გააზრება, სიუჟეტები დაალაგებას ქრონოლოგიურად, ზღაპრის პერსონაჟების დახასიათება და მათი  მოქმედებების შეფასება. აგრეთვე გუნდურობის,  თანამშრომლობითი , შემოქმედებითი და იმპროვიზაციული უნარების გაუმჯობესება. გაკვეთილზე პედაგოგს  გამოყენებული ჰქონდა ისეთი მეთოდები, რომელიც მოსწავლეთა საჭიროებებიდან და ეროვნული სასწავლო გეგმის შედეგებიდან გამომდინარეობდა:

1.      კითხვების დასმა და თემასთან დაკავშირებული საკითხების გახსენება.

2.      კითხვის ეფექტური მეთოდი

3.      ინტერაქტიული მინი-ლექცია

4.      ჯგუფური და ინდივიდუალური მუშაობა

5.      პრეზენტაცია

6.      გაკვეთიის შეჯამება კითხვა-პასუხებით.

თავდაპირველად პედაგოგმა მოსწავლეებს ელექტრონული რესურსის საშუალებით გააცნო ზღაპრის ავტორი, ესაუბრა მისი ბიოგრაფიისა და  შემოქმედების შესახებ. 



თვალსაჩინოდ გამოკრული გაკვეთილის თემა ,მიზანი ,შეფასების რუბრიკები მოსწავლეებს ინტერესის გაღვივებასა და ყურადღების კონცენტრირებაში დაეხმარათ.

საინტერესო აღმოჩნდა სიტყვის ვერბალური და ვიზუალური ასოციაციის რუკაზე მუშაობა, რომელიც დაეხმარებათ მოსწავლეებს ტექსტის გაგება -გააზრებაში.



სახალისო და ამავდროულად საინტერესო აღმოჩნდა ტექსტის წაკითხვამდე ჯგუფური მუშაობა ნახატების დალაგება სავარაუდო შინაარსის მიხედვით. მათ შეძლებისდაგვარად დაალაგეს ეპიზოდების მიხედვით  მთლიანი ტექსტი სავარაუდო თანმიმდევრობით, რომელსიც მაგნიტების საშუალებით განათავსეს დაფაზე.


ტექსტის წაკითხვის შემდეგ შემოწმდა მათი ნამუშევრები და განხორციელდა შესწორებების შეტანა.


მოხდა დაფაზე ჩამოწერილი სიტყვების განმარტება, რაც  მოსწავლეს  დაეხმარა ტექსტის შინაარსის წარმოდგენასა  და  უკეთ გააზრებაში. რეფლექსიის ფაზაზე კითხვა-პასუხით მოხდა ტექსტის-გაგება გააზრების და შეჯამება. გაკვეთილი იყო საინტერესო, დატვირთული აქტივობებით , რაც მიზნის მიღწევაში დაეხმარა პედაგოგს.  მოსწავლეებს არ ეშინოდათ საკუთარი აზრის გამოთქმის.  მსჯელობდნენ თავისუფლად, იყვნენ გულწრფელები და აქტიურები. 

სიკეთე ეს უდიდესი გრძნობაა, რომელიც გვაბედნიერებს

სიკეთე გადამდებია - ამ ფრაზას ალბათ ხშირად გაიგონებთ, ალბათ მის ჭეშმარიტებაშიც ბევრჯერ დარწმუნებულხართ. ჩვენ კიდევ ერთელ დავრწმუნდით, რომ სიკეთეს, თანადგომას, ერთმანეთზე ზრუნვას მართლაც შეუძლია შეცვალოს არსებული რეალობა.  ჩვენი სკოლა კვლავ აგრძელებს  სიკეთის კეთებას. ამჯერად სსიპ ქალაქ ქუთაისის N36 საჯარო სკოლა სამოქალაქო კლუბი ,,ART-სხივი"-ს ხელმძღვანელობითა (კლუბი მეურვე პედაგოგი ია კაშია) და კეთილი ადამიანების თანადგომით დაეხმარა მრავალშვილიან ოჯახს. ერთი კვირის განმავლობაში მოსწავლეებმა თავიანთი თანატოლებისთვის შეაგროვეს ტკბილეული, საკვები, პირადი მოხმარების ნივთები, ტანსაცმელი, სათამაშოები, საახალწლო აქსესუარები...  საკუთარი ხელით შეკრეს საჩუქრები და მისალოცი ბარათებითაც კი გააფორმეს.



 სიკეთე თავად სიცოცხლეა... სიკეთე ადამიანის ცხოვრებაში უპირატესია... გვჯერა ამ ცქრიალა გოგო-ბიჭების სიცოცხლის აზრი და მოწოდება სიკეთის კეთება იქნება. მადლობა თითოეულ მოსწავლეს, მშობელს, პედაგოგს გაწეული თანადგომისთვის. მადლობა იმ კეთილ ადამიანებს ვინც მცირეოდენი წვლილი შეიტანა ამ პატარების გახარებაში. 
კეთილი ადამიანების დახმარებით წავიდა შეგროვებული ნობათი ამ სიყვარულთ სავსე ოჯახში. 

 


ბედნიერ ახალ წელს დაესწარით ლამაზებო, წარმატებები და ბედნიერება თქვენ ოჯახს <3 

სანტიკოები მე-7ბ კლასიდან

მე-7ბ  კლასში  განხორციელდა ახალი წლისადმი მიძღვნილი ღონისძიება, რომელსაც უძღვებოდა კლასის დამრიგებელი ნატალია თურქაძე. ამ კლასში ტრადიციად იქცა ინტელექტუალური თამაშებით დაიტვირთოს  ახალი წლის ღონისძიებები.  წელსაც კლასის დამრიგებელმა შემოგვთავაზა სახალისო აქტივობები, რომლებიც ბავშვებისათვის სიურპრიზი გახლდათ.
მისალმებისა და კეთილის სურვილების შემდეგ, ჯადოსნურ ხურჯინში მოთავსებული ფერადი კანფეტების დახმარებით კლასი გაიყო  4 ჯგუფად. პედაგოგმა გაგვაცნო თამაშის წესები და ინსტრუქციები. მას ღონისძიების ყველა ეტაპზე გამოყენებული ჰქონდა ელექტრონული რესურსი PowerPoint-ის სახით. იხილეთ პრეზენტაცია.
 პირველი რაუნდი გახლდათ მარტივი ლოგიკა. მოსწავლეებს უნდა ეპოვათ ლოგიკური კავშირი ორ ფოტოს შორის და გამოეცნოთ ჩაფიქრებული სიტყვა. გუნდებს თავიანთი ვერსია უნდა გამოეთქვთ მას შემდეგ, რაც მწვანე ბარათს უჩვენებენ ჟიურს. პირველად ის გუნდი პასუხობდა ვინც დაასწრებდა ბარათის ჩვენებას. სწორი პასუხი შეფასდა 1 ქულით, მცდარი პასუხი - 0 ქულით. წამოძახილის შემთხვევაში  ჯარიმა გახლდათ -2 ქულა. კითხვის პასუხისთვის გამოყოფილი მაქსიმალური დრო იყო 2 წუთი.




მეორე რაუნდში კლასის დამრიგებელმა შემოგვთავაზა გასართობი თავსატეხი -"იპოვეთ განსხვავება ნახატზე". ჯგუფებს შემთხვევითობის პრინციპით დაურიგდათ სამუშაო. მათ უნდა მოეძებნათ 8 განსხვავება წყვილ იდენტურ სურათებზე . ეს არის ერთ ერთი ყველაზე პოპულარული გასართობი მსოფლიოში. იგი არა მარტო საინტერესო, არამედ სასარგებლო თამაშიცაა. კვლევებით დადგენილია, რომ თავის ტვინი როდესაც ჩართულია განსხვავების ძიებაში  ეს პროცესი ყურადღების კონცენტრაციის აქტივობას უწყობს ხელს. ბავშვებმაც მოსინჯეს თავიანთი ძალები და შედეგმაც არ დააყოვნა. 






მოსწავლეთა მუშაობას აფასებდა ჟიური, რომლის შემადგენლობაში გახლდათ სკოლის დირექტორი თენგიზ თაბუკაშვილი, დირექტორის მოადგილე ლელა გრძელიშვილი და ინგლისურის პედაგოგი ირმა ლომიძე.



ისევე როგორ სხეულს, ტვინსაც სჭირდება ვარჯიში. ლოგიკური ამოცანები და ვიქტორინები სწორედ იმიტომ არის პოპულარული, რომ დრო და დრო ტვინს სჭირდება გავარჯიშება. ასეთ ლოგიკურ ამოცანებს დაუთმო ნატალია თურქაძემ შემდეგი რაუნდი. ეკრანზე გამოტანილ კითხვებზე პასუხის გასაცემად  ჯგუფებს კვლავ უნდა გამოეყენებინათ მწვანე ბარათები. აღნიშნულმა აქტივობამ მოსწავლეთა მოტივაცია უფრო გაამძაფრა და მომდევნო რაუნდის წარმატებით შესრულებისათვის 100%-ით მომართა.



 შემდეგი აქტივობა გახლდათ "მე მელომანი".  ჯგუფებმა თავად აირჩიეს ერთი ფერადი ფურცელი, რომლებზეც დაწერილი იყო სიტყვა და ამ სიტყვაზე უნდა გაეხსენებინათ და წაეღიღინებინათ რაც შეიძლება მეტი სიმღერა 2 წუთის განმავლობაში.  იმ გუნდმა რომელმაც ყველაზე მეტი სიმღერა  გაიხსენა შეფასდა 3 ქულით.   აქტივობა გამოვიდა სახალისო.



საინტერესო, სასიამოვნო და მოულოდნელი აღმოჩნდა შემდეგი აქტივობა "გამოიცანი ხმა". მოსწავლეებმა მოისმინეს მათთვის საყვარელი თუ  ნაცნობი ადამიანების ხმები.  უმეტესად პედაგოგს ჩაწერილი  ჰქონდა  მოსწავლეთათვის განკუთვნილი ამ ადამიანების მიერ  ახალი წლის მისალოცი გზავნილები. დაკვირვებით, ჟრიამულითა და ხალისით გასმოიცვნენ ყველა პიროვნება და დიდი სიყვარულით დაგაუხადეს თითოეულ მათგანს მადლობა.



კლასში არსებულ ხელოვან მოსწავლეთა მიერ მოხდა მათ მიერ დამზადებული ნიმუშების გადაცემა სკოლის დირექციისათვის. ლიზი ბასილაძემ თავისი ხელით გამოძერწა თოვლის ბაბუა და მისი სურვილით ის გადაეცა სკოლის დირექტორს. მარიამ მამაგეიშვილის მიერ დამზადებული ნაძვის ხე კი გადაეცა კლასის დამრიგებელს ნატალია თურქაძეს.

შემდეგი აქტივობა გახლდათ იდუმალი სანტა.წინა კვირას ბავშვებმა აირჩიეს ფურცლები, რომელზედაც დაწერილი იყო ყველა მოსწავლის სახელი და გვარი. მხოლოდ თვითონ იციან ვინ შეხვდათ. მთელი კვირის განმავლობაში ფიქრობდნენ და ზრუნავდნენ რა საჩუქარი გაეკეთებინა იმ მეგობრისთვის ვისი „სეკრეტ სანტაც“ არიან. ბავშვებმა სათითაოდ მასწავლებლის დახმარებით ამოირჩიეს ნაძვის ხის ქვეშ განთავსებული  თავიანთი საჩუქრები და მასში მოთავსებული პატარა მიმანიშნებელი ბარათებით შეეცადნენ გამოეცნოთ თავიანთი იდუმალი სანტა . ამ აქტივობამ კიდევ ერთხელ დაგვანახა, რომ ცხოვრება მართლაც მშვენიერია და თითოეულ ადამიანს თუნდაც მცირედით შეუძლია სხვა პიროვნება გააბედნიეროს, ღიმილი და სიხარული მოჰგვაროს. 

მე-7 ბ კლასის მოსწავლეები და მშობლები კიდევ ერთხელ გილოცავენ ახალი წლის მობრძანებას. დაე, ეს წელი ყოფილიყოს სიმშვიდის, წარმატების, წინსვლისა და სიხარულის მომტანი. 

უღრუბლო ცა, ლამაზი ყოველდღიურობა და უფლის წყალობა არ მოგკლდებოდეთ. ბედნიერება და იღბალი უფლობდეს თითოეული თქვენგანის ოჯახში.