დედამიწის დღე -

 დედამიწის დღე საყოველთაოდ აღიარებულია, როგორც მსოფლიოში ყველაზე დიდი საერო სადღესასწაულო ღონისძიება, რომელსაც სხვადასხვა კუთხეში ყოველწლიურად მილიარდზე მეტი ადამიანი აღნიშნავს. ეს დღე ატარებს იდეას, რომელიც ემსახურება გლობალური, ეროვნული თუ ადგილობრივი პოლიტიკის ცვლილებას პლანეტის სასიკეთოდ.

ნატალია თურქაძე თავის მოსწავლეებთან ერთად უერთდება დედამიწის საერთაშორისო დღის აღნიშვნას მოსწავლეები მოუწოდებენ თანატოლებს "ვიზრუნოთ გარემოზე ისე, როგორც საკუთარ სახლზე".

წიგნის საერთაშორისო დღე

 1923 წელს, კატალონიელი წიგნის გამყიდველების მიერ მიგელ დე სერვანტესისა და უილიამ შექსპირის გარდაცვალების დღეს, 23 აპრილს მოწყობილი წიგნების ფესტივალი ტრადიციად 1995 წელს იქცა.

„იუნესკოს“ გადაწყვეტილება მსოფლიომ დიდი ენთუზიაზმით მიიღო და წიგნის მსოფლიო დღე დიდ დღესასწაულად იქცა,რომელიც ყოველ წელს აღინიშნება მსოფლიოს სხვადასხვა ქვეყანაში.

ნებისმიერ ეპოქაში წიგნი იქნება ადამიანის საკუკეთესო მეგობარი,სწორედ ამიტომ ჩვენ ხელი უნდა შევუწყოთ მის პოპულარიზაციას ახალ თაობაში.წიგნი ადამიანებს აძლევს უსაზღვრო შესაძლებლობას,რომელიც ყველა მათგანმა უნდა გამოიყენოს მაგიურ სამყაროში სამოგზაუროდ და განათლების უშრეტად მიღებისთვის.

მოსწავლეთა თვითმმართველობის წარმომადგენლები უკვე 2 წელია აქტიურად ვეწევით წიგნის პროპაგანდას მოსწავლეებში.უამრავ აქტივობასთან ერთად სკოლაში ფუნქციონირებს წიგნის მკითხველთა კლუბი,რომლის ფარგლებშიც შევძელით უამრავი წიგნის მოპოვება,პატარებისა და წიგნების დამეგობრება და წიგნიერი გარემოს შექმნა.

ჩვენი სკოლა წელსაც დიდი მონდომებით ჩაერთო გიორგი კეკელიძე • Giorgi Kekelidze-ს კამპანიაში ,,აჩუქე წიგნი" და მოსწავლეებმა მთელი გულით გაცვალეს ერთმანეთში წიგნები და ერთმანეთს უამრავი ახალი და დაუვიწყარი თავგადასავალი აჩუქეს.

ასევე მოსწავლეებმა თავისი ხელით შექმნეს დეკორაციები სხვადასხვა ნაწარმოების თემატიკაზე და გამოეწყვნენ თავიანთი საყვარელი პერსონაჟების ფორმებში.

#23აპრილი

#აჩუქეწიგნი

#წიგნისაუკეთესომეგობარია

#გაუზიარეთავგადასავლი

ჩვენი ახალი მოსწავლეები

 სკოლასთან პირველკლასელის, თუ ნებისმიერი ახალი მოსწავლის ადაპტაცია სრულიად განსაკუთრებული მნიშვნელობის მატარებელია, რადგან სწორედ ამ პერიოდში ჩამოყალიბებული დამოკიდებულებები და ღირებულებები განსაზღვრავს ბავშვის და მოზარდის მთელი სასკოლო ცხოვრების ხასიათს, იმას, თუ რამდენად საინტერესო და მიმზიდველი იქნება მისთვის სკოლა და სწავლა. ჩვენი სკოლა მუდმივად ზრუნავს ახალ მოსწავლეს შეუქმნას ის გარემო, რაც მისი განვითარებისთვის და წარმატებისთვის იქნება აუცილებელი. 

მე-3-გ კლასის მასწავლებელი და მოსწავლები დიდი სიყვარულით,მეგობრობით და სითბოთი შეხვდნენ ახალ მეგობარს. წარმატებული და ბედნიერი წლები გეტარებინოთ ერთმნეთის გვერდით დგომით <3

"წიგნები აზრის ხომალდებია, ჟამთა ტალღებში რომ მიცურავენ და ზრუნვით გადასცემენ ძვირფას ტვირთს თაობიდან თაობას"

 სსიპ ქალაქ ქუთაისის #36 საჯარო სკოლის III/გ კლასში (პედაგოგი: ლელა ჟორჟოლიანი) ჩატარდა კითხვისა და კლასის საათი, რომელიც ითვალისწინებდა მოსწავლეებში წიგნისადმი ინტერესის გაღვივებას, სააზროვნო უნარ-ჩვევებისა და აქტიურ მკითხველად ჩამოყალიბებას. წაიკითხეს სხვადასხვა შინაარსის ტექსტები, გააკეთეს ანალიზი, ერთმანეთს გაუზიარეს შთაბეჭდილებები და მშობელთა ჩართულობით გამოავლინეს ,,საუკეთესო მკითხველი“. მოსწავლეთა უმრავლესობამ მაღალი შედეგები აჩვენა და დაჯილდოვდნენ შესაბამისი სიგელებით.

ჩვენ და ჯანსაღი სამყარო

მე-4ა კლასის მოსწავლეებს (კლ.დამრიგებელი ნანა ნაცვლიშვილი) ჯანმრთელობის საერთაშორისო დღეს სტუმრად ეწვია ქუთაისის რეფერალური ჰოსპიტალის ორთოპედ-ტრავმატოლოგი, მედიცინის მეცნიერებათა დოქტორი, პროფესორი გიორგი გაბუნია. ბატონმა გიორგიმ უფასუხა მოსწავლეების შეკითხვებს ჯანმრთელობის, პირადი ჰიგიენის, ჯანსაღი კვებისა და ტექნოლოგიებთან მიჯაჭვულობის შესახებ. საინტერესო საუბრის შემდეგ პატარება პირობა დადეს, რომ აუცილებლად გაითვალისწინებენ ექიმის მიერ მიცემულ რეკომენდაციებს.

"ჯანმრთელი ყველაფერი შესანიშნავია"

 სსიპ ქ.ქუთაისის NN 36 საჯარო სკოლაში მოსწავლეთა თვითმმართველობისა და სამოქალაქო კლუბი „მომავლის მოქალაქე“ ინიციატივით ჯანმრთელობის კვირეული გაიმართა. ღონისძიების ხელმძღვანელი ია კაშია.

ჯანმრთელობის მსოფლიო დღის აღნიშვნა უკავშირდება ჯანმრთელობის მსოფლიო ორგანიზაციის დაარსების თარიღს - 1948 წლის 7 აპრილს..

კვირეულს მიზანს წარმოადგენს ჯანმრთელობის კუთხით მოსწავლეთა ცნობიერების ამაღლება, სოციალურ დაავადებებზე და იმუნიზაციის მნიშვნელობაზე ინფორმაციის მიწოდება.

პროექტის ფარგლებში მოსწავლეებმა ითანამშრომლეს აწსუს უნივერსიტეტთან და სკოლაში მოიწვიეს ასოცირებული პროფესორი, მედიცინის მეცნიერებათა დოქტორი ბატონი, გიორგი გაბუნია.

ბ-ნ გიორგიმ მოსწავლეებს საინტერესოდ და ამომწურავად ესაუბრა ჯანდაცვის ხელმისაწვდომობაზე, არსებულ პრაქტიკაზე და იმ გამოწვევებზე, რაც გარდატეხის ასაკში მყოფი მოზარდების წინაშე დგას. შეხვედრაზე ხაზი გაესვა პირველადი დახმარების გაწევის აუცილებლობის მნიშვნელობის გააზრებას. აქვე გაჩნდა იდეა სკოლაში დაარსდეს კლუბი „გადაუდებელი დახმარება“, რომლის ფარგლებშიც მოსწავლეები აღიჭურვებიან შესაბამისი ცოდნითა და უნარებით და საჭიროების შემთხვევაში შეძლებენ პირველადი დახმარების გაწევას.

შეხვედრის დასასრული ინტერაქციულად წარიმართა .მოსწავლეები სვამდნენ შეკითხვებს და იღებდნენ პროფესიონალურ რჩევებს.

გიზიარებთ რამდენიმე მოსაწვლის შეფასებას და უკუკავშირს : 15 წ. მარი- ეს დღე არასდროს დამავიწყდება,აუცილებლად გავითვალისწინებ რჩევებს. 13 წ..ნინი- რამდენი რამ უნდა ვიცოდეთ თურმე რომ ჩვენს ჯანმრთელობას არ ვავნოთ. 14 წლის დიმა_ მას, რამხელა პასუხისმგებლობაა ექიმობა,რა საინტერესო დღე იყო.

მარათონი ჯანსაღი დღისთვის

ჯანმრთელობის საერთაშორისო დღე 7 აპრილი დილის 7 საათი ოცდამეთექვსმეტელები ჯანსაღი ცხოვრების პოპულარიზაციის მიზნით მარათონზე

მოსწავლეთა თვითმმართველობის და სამოქალაქო კლუბის " მომავლის მოქალაქეები" წევრებმა დაამზადეს ფლაერები და გაავრცელეს თემში.

ყველა დაინტერესებულ პირს შეეძლო მარათონში ჩართვა.

ღონისძიებას ხელმძღვანელობს სამოქალაქო განათლების პედაგოგი ია კაშია.

ქ.ქუთაისის 36-ე საჯარო სკოლის მოსწავლეთა თვითმმართველობა