,,ოდესმე დიდი ყოფილა საქართველო"

 მ/წლის 24 და 25 აპრილს მე-5ა, მე-5ბ და მე-5დ კლასებში მოვაწყვეთ პრეზენტაცია პროექტზე ,,ოდესმე დიდი ყოფილა საქართველო".ეს სიტყვები გვახსენებს იმ დიდებულ წარსულს,როდესაც საქართველო ძლიერი და კულტურულად აყვავებული ქვეყანა იყო,თამარ მეფისა და დავით აღმაშენებლის ეპოქაში.ჩვენ გვქონდა ძლიერი არმია,განათლებული საზოგადოება და მდიდარი ხელოვნება.მაშინ აშენდა მრავალი ლამაზი ტაძარი,შეიქმნა უნიკალური ფრესკები და ხელნაწერები.ეს პერიოდი დღემდე გვაამაყებს და გვახსენებს,რომ დიდი წარსული გვავალდებულებს ღირსეულ მომავალს.

შესაბამისად,თემის დამუშავების შემდეგ მოსწავლეები დავყავი ჯგუფებად და გავუნაწილე ქვეთემები.მათ მოიძიეს და დაახარისხეს ინფორმაცია.ამობეჭდეს, დახატეს და შექმნეს შესანიშნავი პროექტები.

ასეთი მუშაობით მოსწავლეებს უყალიბდებათ გუნდურობის,ურთიერთპატივისცემისა და თანამშრომლობის უნარი.ისინი სწავლობენ, როგორ მოუსმინონ ერთმანეთის აზრს.დაისახონ საერთო მიზანი და იმოქმედონ ერთობლივად.ასევე, ჯგუფური მუშაობა ავითარებს პასუხისმგებლობის გრძნობას,კომუნიკაციის უნარებსა და შემოქმედებითობას,რაც,მნიშვნელოვანია როგორც სასკოლო ცხოვრებაში,ისე მომავალშიც.

წარმატებები შრომისმოყვარე,მიზანდასახულ მოსწავლეებს!

რას გვეტყოდა დედამიწა, საუბარი რომ შეეძლოს?

ქუთაისის N36 საჯარო სკოლაში დაწყებულ ტრადიციულ მარათონს დიდი ინტერესით შეუერთდნენ მე-5გ კლასის მოსწავლეები (დამრიგებელი – ლია ბრეგაძე). მათ ამჯერად იმაზე დაფიქრდნენ, „რას გვეტყოდა დედამიწა, საუბარი რომ შეეძლოს?“ 🌍
პატარა ეკოლოგებმა საკუთარი ფიქრები ლამაზი ჩანახატებით დააფიქსირეს, წარმოიდგინეს დედამიწის ხმა და გააცნობიერეს, რომ ჩვენი პლანეტა განსაკუთრებულ სიფრთხილეს, ზრუნვასა და დაცვას საჭიროებს.
მოსწავლეთა ნამუშევრებში აისახა სიყვარული ბუნებისადმი და პასუხისმგებლობა გარემოს წინაშე. 🌱🌍

თემა: "კახეთის მხსნელი გმირები" — ინტეგრირებული პროექტი

მე-8 კლასის მოსწავლეებმა დაუვიწყარი შემოქმედებითი მოგზაურობა განახორციელეს საქართველოს ისტორიის ერთ-ერთ მნიშვნელოვან ეპოქაში — 1659 წლის კახეთის აჯანყებაში. მათი ინტერესის ცენტრში მოექცა ქართული კლასიკური ლიტერატურის მარგალიტი — აკაკი წერეთლის მოთხრობა „ბაში-აჩუკი“.

ნაწარმოების ანალიზის შემდეგ მოსწავლეებმა ერთად უყურეს ფილმს „ბაში-აჩუკი“, რაც დაეხმარათ სიუჟეტის ვიზუალურ აღქმაში.

ამ უნიკალური პროექტის მეშვეობით მოსწავლეებმა არა მხოლოდ გაიღრმავეს ცოდნა ქართული ისტორიისა და ლიტერატურის შესახებ, არამედ განივითარეს კრიტიკული აზროვნება, თანამშრომლობის უნარი და პასუხისმგებლობა საერთო მიზნის მიმართ

.მოსწავლეებმა გვიჩვენეს, რომ გმირობა არ არის მხოლოდ ხმლით ბრძოლა — გმირობაა მამაცობა, ერთგულება და თავგანწირვა სიმართლისთვის.

თაობა, რომელიც წარსულს სწორი ხედვითა და პატივისცემით ეკიდება ყოველთვის შეძლებს ძლიერი მომავლის შექმნას.

დედამიწის დღისადმი მიძღვნილი ბუნების გაკვეთილი მე-2ა კლასში -ნანა ნაცვლიშვილი

 

22 აპრილს, დედამიწის დღისადმი მიძღვნილი ბუნების გაკვეთილი მე-2ა კლასში განსაკუთრებული სითბოთი და მნიშვნელობით გამოირჩეოდა. მოსწავლეებმა გაიხსენეს პლანეტების და მზის შესახებ ნასწავლი მასალა, განიხილეს, მხოლოდ დედამიწაზე თუ არის სიცოცხლე და რას წარმოადგენს მზე როგორც სიცოცხლის წყარო. საუბარი შეეხო იმასაც, რა უფლებები და მოვალეობები გვაქვს პლანეტის დასაცავად.

ბავშვები ჯგუფებად დაიყვნენ და შექმნეს პოსტერები, კომიქსები და "დედამიწის დამცველთა" წესები. ამ შემოქმედებითმა მუშაობამ არა მხოლოდ ცოდნის განმტკიცებას, არამედ ეკოლოგიური ცნობიერების ამაღლებასაც შეუწყო ხელი.

გაკვეთილის კულმინაცია სკოლის ეზოში გაიმართა — მოსწავლეებმა მშობლებთან ერთად დარგეს მაგნოლიის ხე, როგორც სიყვარულისა და მზრუნველობის სიმბოლო დედამიწის მიმართ. გარდა ამისა, იზრუნეს სკოლის მიმდებარე ტერიტორიის სისუფთავეზეც — შეაგროვეს ნარჩენები და მოაწესრიგეს გარემო.

ეს დღე კიდევ ერთი მშვენიერი მაგალითი იყო იმისა, როგორ შეიძლება სკოლამ არა მხოლოდ ასწავლოს, არამედ აღზარდოს ბუნების მოყვარული და მზრუნველი მოქალაქე.

"აჩუქე წიგნი" - დამკვიდრებული ტრადიცია

 #აჩუქეწიგნი

წიგნის ჩუქება ყველა საჩუქარს ერთად მოიცავს: ცოდნასაც და განცდასაც, სიხარულსაც და ტკივილის გაძლების სწავლასაც, ნივთს, ჩაფიქრებას, დაკვირვებას, ამ დაკვირვებით გაკვირვებას. წიგნი კაცობრიობის მეხსიერების ჯამია,ლიტერატურა ყველაზე მთავარი და ყველაზე გენიალური გამოგონებაა კაცობრიობის ისტორიაში.

სსიპ ქალაქ ქუთაისის #36საჯარო სკოლაში. მე-3ა კლასელებმა უკვე დაამკვიდრეს წიგნის ჩუქების ტრადიცია. დიდი ყურადღებითა და მზრუნველობით შერჩეული ლიტერატურა დღეს საზეიმოდ გადასცეს ერთმანეთს. სამახსოვროდ წერილები დაურთეს, პირობაც არ დაავიწყდათ: ,,აუცილებლად წავიკითხავთ და მერე ერთმანეთს გავუზიარებთ შთაბეჭდილებებს!"

სიკეთის აუქციონი

სიკეთეს რომ ასწავლი, სიყვარულს აყალიბებ!

სკოლა სწორედ ის სივრცეა, სადაც ღირებულებებს ფესვები აქვს.

როცა გულწრფელი სითბო ერთიანდება დახმარების სურვილთან, იქ უკვე ნამდვილად ჩნდება სასწაული.

სსიპ ქალაქ ქუთაისის #36საჯარო სკოლაში წლევანდელი საქველმოქმედო კამპანია, რომელიც უკვე ტრადიციად იქცა, თვითმმართველობის ინიციატივით კვლავაც სიყვარულით, თანადგომითა და ერთობით განხორციელდა.

მოსწავლეებმა, მშობლებმა და პედაგოგებმა ერთად შევაგროვეთ საჭირო პროდუქტები და გავუწოდეთ დახმარების ხელი მათ, ვისაც ყველაზე მეტად სჭირდებოდა ჩვენი მხარდაჭერა.

ეს არის ერთიანობის, სოლიდარობისა და ზრუნვის ცოცხალი მაგალითი!

დიდი მადლობა თითოეულ ადამიანს, ვინც გულით შემოუერთდა ამ კეთილ საქმეს.

ერთად ვქმნით ძლიერ, მზრუნველ საზოგადოებას!

გილოცავთ აღდგომის ბრწყინვალე დღესასწაულს!

გისურვებთ შინაგან სიმშვიდეს, სითბოს, ჯანმრთელობასა და იმედით სავსე დღეებს!

დედაენის დღე ქუთაისის N 36 საჯარო სკოლაში

დედაენის დღესთან დაკავშირებით ქუთაისის N 36 საჯარო სკოლაში ქართული ენისა და ლიტერატურის კათედრამ მრავალფეროვანი აქტივობები განახორციელა:

კალიგრაფიის მასტერკლასი

ბლიცი ,, ვინ უკეთ იცის აფორიზმები”

ინტერვიუ სასკოლო საზოგადოებასთან.

სიტყვობანა- არა ბარბარიზმებს

ვეფხისტყაოსნის სამაგიდო თამაში

სასკოლო კონფერენცია 2025

მეათე კლასის მოსწავლეებმა დედაენის დღე მიულოცეს სასკოლო საზოგადოებას და მშობლიურ ენასთან დაკავშირებით დაუსვეს კითხვები. ენის სიწმინდის დასაცავად განახორციელეს აქტივობა ,, არა ბარბარიზმებს”

ჩვენს სკოლაში თანატოლგანმანათლებლობის კულტურით ვამაყობთ. ქუთაისის მუნიციპალიტეტის მერიის კულტურის, სპორტის, განათლებისა და ახალგაზრდობის საქმეთა სამსახურის განათლების განყოფილების მიერ ორგანიზებულ კონკურსში ჩვენი სკოლის მოსწავლემ , მარიამ გოგიბერიძემ ( მასწავლებელი ხათუნა გეწაძე) ღირსეულად დაიკავა მესამე ადგილი. დედაენის დღეს კი ემოციები და გამოცდილება ჩვენი

სკოლის მოსწავლეებს გაუზიარა და მასტერკლასი ჩაატარა.

,, ვეფხისტყაოსნის” სიყვარულმა გააერთიანა როგორც საბაზო, ასევე საშუალო საფეხურის მოსწავლეები .

ვსწავლობთ თამაშით:

,, ვეფხისტყაოსნის” სამაგიდო თამაში

აფორიზმების ბლიცი

განხორციელებული აქტივობები დააგვირგვინა კონფერენციამ. მოსწავლეებმა კონფერენცია გახსნეს მშობლიურ ენაზე ლექსების წაკითხვით.