სსიპ ქალაქ ქუთაისის N36 საჯარო სკოლაში 2018 წლის 11 ივნისს ჩატარდა სამოდელო გაკვეთილი ინგლისურ ენაში თემაზე:,,The
boat“ პედაგოგი ირმა ლომიძე.
ჩატარებული სამოდელო გაკვეთილი პრობლემური სიტუაციიდან , რთული ვითარებიდან გამოსავლის ძიებას მოიაზრებდა. პრობლემაზე დაფუძნებული სწავლება მოსწავლეს ასწავლის პრობლემის იდენტიფიცირებას, ცოდნის სისტემატიზაციის საფუძველზე მისი გადაჭრის გზების ძიებასა და მიღებული გამოცდილების რეალურ ცხოვრებაში გამოყენებას. პრობლემაზე დაფუძნებული სწავლის დროს ახალი ცოდნის შეძენა ხდება აქტუალური საჭიროების საფუძველზე, უკვე დასმული პრობლემის მოგვარების პროცესში. ამ პროცესის პარალელურად კი ვითარდება პრობლემების გადაჭრის უნარიც. მართლაც, დასმული პრობლემა უბიძგებს მოსწავლეებს მოიძიონ და შეიძინონ ახალი ცოდნა, რომელიც საჭიროა პრობლემის გადასაჭრელად. ერთადერთი სწორი პასუხის მოძებნის სანაცვლოდ მოსწავლე ახდენს დასმული პრობლემის ინტერპრეტირებას, აგროვებს საჭირო ინფორმაციას, აგებს მოდელს, გამოთქვამს ვარაუდს, აფასებს და ადარებს შესაძლო შედეგებს და აკეთებს დასკვნას. ნიშანდობლივია, რომ ამ პროცესში ცოდნის შეძენა ხდება ევრისტიკულად. გაკვეთილზე გამოყენებულ აქტივობები მოსწავლეებს სწავლების საშუალებას აძლევს, რაც შესაბამისად ეხმარება საკუთარი შესაძლებლობის ფარგლებში გამოავლინოს ცოდნა და განივითაროს სხვადასხვა უნარები.
პედაგოგს საგაკვეთილო მიზნები ჰქონდა შემდეგი: მოსმენილი ტექსტის გაგება, თარგმნა, კითხვის სტრატეგიის გამოყენებით, ნაბეჭდ ტექსტზე დაყრდნობით ტექსტის ანალიზი. როლურ თამაშებში მონაწილეობა, პრობლემის იდენტიფიცირება და მათი გადაჭრის გზების ძიება, წარსული მარტივი დროის ამოცნობა და მისი წარმოება.
ასეთი ტიპის სწავლება მოსწავლეებს ხდის მოტივირებულს ,უბიძგებს გაანალიზონ და განაზოგადონ მიღებული ცოდნა, უვითარებს კვლევა-ძიებისა და დამოუკიდებლად მუშაობის უნარებს. მოსწავლეებისათვის სასარგებლო აღმოჩნდა საკითხების ირგვლივ მსჯელობა - ბავშვებმა გაითავისეს პრობლემის არსი, განუვითარდათ თანამშრომლობითი, შემოქმედებითი უნარ-ჩვევები, არგუმენტირებული მსჯელობის უნარები. გამოკვეთეს თუ რა არის საჭირო პრობლემების თავიდან ასაცილებლად. იციან, როგორ მოიქცნენ შესაბამის სიტუაციაში. ამას გარდა, ისინი გამოიმუშავებენ სხვა პიროვნების პატივისცემის, ტოლერანტობის, დახმარების, ურთიერთპატივისცემის უნარებს.
No comments:
Post a Comment