ინტეგრირებული სამოდეო გაკვეთილი მე-6 კლასში, პედაგოგი ნანა გორდეზიანი

პედაგოგ ნანა გორდეზიანის მიერ მე-6(ა) კლასში ჩატარებული გაკვეთილი ქართულ ენასა და ლიტერატურაში გახლდათ ინტეგრირებულ სწავლებაზე დაფუძნებული, რომლის საშუალებით მოსწავლეები სწავლობენ ერთი თემის მეორესთან, ერთი სასწავლო საგნის მეორესთან დაკავშირებას და  ცოდნის გამთლიანებას. 

  ინტეგრირებული გაკვეთილისთვის პედაგოგმა შეარჩია ო' ჰენრის ,,უკანასკნელი ფოთოლი", რომლის დაკავშირება მოახდინა ხელოვნებასთან. თანაგანცდის, სხვისთვის მსხვერპლგაღების უნარის ქონა, ხელოვნების როლი ადამიანთა ცხოვრებაში, ხელოვნების უკვდავება-ეს ის თემებია, რომლებიც არასოდეს იცვითება.

   პედაგოგმა მოსწავლეებს გააცნო  გაკვეთილის მიზანი, გამოკვეთა საგანთშორისი კავშირი, გამოიყენე მრავალფეროვანი აქტივობები. ყველა აქტივობა უკავშირდებოდა გაკვეთილის მიზანს. 

  მოსწავლეები გამოირჩეოდნენ თავიანთი მსჯელობით, კრიტიკული და შემოქმედებითი აზროვნებით. თითქმის მთელი კლასი იყო ჩართული საგაკვეთილო პროცესში. ჯგუფები გრძნობდნენ თავიანთ პასუხისმგებლობას, თანამშრომლობდნენ ძალიან კარგად. არც ერთ ჯგუფს არ გასჭირვებია დროის ლიმიტის დაცვა, ძალიან კარგად შეასრულეს მიცემული დავალებები. საინტერესო აღმოჩნდა მათთვის მხატვრებისა და მათი ნამუშევრების ამოცნობა, ასევე, ორმხრივ ჩანაწერთა დღიური.

 მოსწავლეებისთვის საინტერესოც იყო გაკვეთილი და სასარგებლოც. მათ გაიღრმავეს თავიანთი ცოდნა მოცემულ თემაზე, დაფიქრდნენ ადამიანურ ურთიერთობებზე, იმაზე, თუ როგორ უნდა იცხოვროს ადამიანმა და იმაზეც, რამდენად მნიშვნელოვანია ხელოვნება ადამიანთა ცხოვრებაში. გაკვეთილმა ხელი შეუწყო მათი კრიტიკული და შემოქმედებითი აზროვნების განვითარებას, ასევე გამოავლინეს წერის დროს წარმოსახვის უნარი.

       ბავშვები მსჯელობის დროს იყვნენ თავისუფლები, საკუთარი აზრის გამოთქმისას იმარჯვებდნენ არგუმენტებს, პარალელს ავლებდნენ შესწავლილ თუ დამოუკიდებლად წაკითხულ ნაწარმოებებთან. ისინი მაღალ სააზროვნო დონეზე გავიდნენ.

პედაგოგი შეეცადა და მაღალ დონეზე შეძლო ბავშვებისთვის დაენახვებინა, რომ ცალკეული სასწავლო საგნები სხვა არაფერია, თუ არა განსხვავებული თვალსაზრისები რეალურად არსებულ შესასწავლ ობიექტზე, ამ ტიპის გაკვეთილი საუკეთესოდ იძლევა ცოდნის სინთეზის შესაძლებლობას, ხელს უწყობს მოსწავლეებში ანალიტიკური აზროვნებისა და განზოგადების უნარის განვითარებას.

    

 

 გაკვეთილს ესწრებოდა შეფასების ჯგუფის წევრები და სკოლის  პედაგოგები.

 მოსწავლეებმა ამ გაკვეთილით შეძლეს წინარე ცოდნასა და გამოცდილებაზე დაყრდნობით სასწავლო მასალის ათვისება და შეჯამება.

იხილეთ გაკვეთილის მიმდინარეობის ამსახველი სრული ფოტომასალა

სამოდელო გაკვეთილი გეოგრაფიაში, პედაგოგი მალვინა თევდორაძე

 სსიპ ქალაქ ქუთაისის N36 საჯარო სკოლაშიმე-7 კლასში პედაგოგმა მალვინა თევდორაძემ ჩაატარა  სამოდელო გაკვეთილი გეოგრაფიაში თემაზე: "ქარი და მისი წარმოშობა".  გაკვეთილის მიზანი იყო: მოსწავლეებს შეძლებოდათ ქარის წარმოშობის მიზეზების დასახელება, წამოედგინათ ქარის გავრცელების ადგილები, ემსჯელათ ადგილობრივ ქარებზე, ქარის დადებით და უარყოფით თვისებებზე.

                        

პედაგოგს აქტვობები დაგეგმილი ჰქონდა გაკვეთილის მიზნიდან გამომდინარე. წინარე ცოდნის გასააქტიურებლად პედაგოგმა მოსწავლეებს აჩვენა სხვადასხვა ხელსაწყოების ფოტოები, რომლებიც უნდა ამოეცნოთ. გაკვეთილში აქტიურად იყო ჩართული  სსსმ მოსწავლე. პედაგოგის მიერ გამოყენებული აქტივობები ზუსტად შეესაბამებოდა მოსწავლის შესაძლებლობებს, რომელიც სპეციალურად მისთვის იყო შერჩეული.

საინტერესო აღმოჩნა  პრაქტიკული სამუშაო, სადაც მოსწავლეებმა ამოიცნეს ქარის სახეები და მოახდინეს მათი სიღრმისეული ახსნა. იმუშავეს ჯგუფებში, იყო მსჯელობა, აზრთა შეჯერება და ერთმანეთის პატივისცემა. 

სამუშაოს შესრულების შემდეგ მოსწავლეებმა წარმოადგინეს საინტერესო პრეზენტაციები. ამ დავალებით მათ კვლავ მოუწიათ გუნდური მუშაობის პრინციპების გათვალისწინება, უფრო განუვითარდათ  კრიტიკული, შემოქმედებითი, მსჯელბის, პრეზენტაციის უნარები. 

მსგავსი აქტივობები მოსწავლეებს აჩვევს აუდიტორიასთან ურთიერთობას, თამამად აზრის გამოთქმას, ნასწავლი მასალის პრაქტიკაში გამოყენების უნარის განვითარებას. თანამდეროვე ტექნოლოგიების გამოყენებით ჩატარებული გაკვეთილი მრავალფეროვანია.  იგი ხელს უწყობს წიგნიერების ცნების უკეთ გაგებას, მოსწავლის მიერ მოძიებული ტექსტური და ვიზუალური მასალების დამუშავებას, ერთმანეთთან გაზიარებას,  თანამშრომლობის შემოქმედებითი უნარების განვითარებას. 

გაკვეთილს ესწრებოდა შეფასებიის ჯგუფის წევრები და სკოლის პედაგოგები. 

იხილეთ გაკვეთილის მსვლელობის ამსახველი სრული ფოტომასალა

     

"ენას გიწუნებ, ფშაველო..." -სასწავლო პროექტი, პედაგოგი ციცინო ჭეიშვილი

ეროვნული  სასწავლო გეგმის  მიხედვით  მე-7 კლასში ისწავლება ვაჟა -ფშაველას ბიოგრაფია. ლექსი „ დამსეტყვე ცაო, დამსეტყვე.“ ბუმბერაზი  პოეტის  ბიოგრაფიისა და ლექსის  სწავლების  შემდეგ  მოსწავლეებში  განსაკუთრებული  ყურადღება მიიქცია  მწერლის შემოქმედებაში დიალექტური  ფორმების  სიჭარბემ. მოსწავლეები დაინტერესდნენ  საკითხით.   გამოთქვეს სურვილი, რომ  ფშაურ  დიალექტებზე  მეტ  მასალას  მოიძიებდნენ. სიღმისეულად ჩასწვდებოდნენ ვაჟას პოეზიას, დიალექტური ფორმების მართებულობას.

 მოსწავლეებმა გადაწყვიტეს  მასწავლებელთან  ერთად დაეწყოთ პროექტზე მუშაობა. ერთობლივად დასახეს მიზანი. გაითვალისწინეს ესეგ-ს მიზნები და სტანდარტები. 

მოსწავლეებმა ინტერნეტში მოიძიეს  ფოტო-აუდიო -ვიდეო მასალები და  პრეზენტაციის საშუალებით წარმოადგინეს თავიანთი შეხედულებები, მოსაზრებები, გამოკვეთეს პრობლემა. იმსჯელეს და არგუმენტულად დაასაბუთეს, რომ არა მარტო საუბრისას, არამედ ქართულ მწერლობაში ხშირად ხდება სალიტერატურო ენის  ნორმების დარღვევა. მწერლობაში გაჩნდა უვარგისი ფორმები. ენა ცოცხალი ორგანიზმია , მას გამოკვება სჭირდება , დიალექტები სალიტერატურო ენის გამდიდრებას უწყობს ხელს.

  . ვაჟამ დაამტკიცა ქართულ სალიტერატურო ენაში  ფშაური დიალექტების მართებულობა. თანამედროვე ახალგაზრდობა  უნდა გაუფრთხილდეს ქართულ ენას . არ უნდა ვიხმაროთ არამართებული სიტყვები (ბარბარიზმები).   ვაჟა-ფშაველა თურმე თავისი პოეტური ენით ამაყობდა.

      

განსახორციებელი  ვადა.  6 კვირა