მხიარული სტარტები 2019

30 მაისს ახალი სკოლის მოდელის ფარგლებში სსიპ ქალაქ ქუთაისის N36 საჯარო სკოლის მე-6ა "ლომები" და მე-ბ "არწივები" კლასებს შორის გაიმართა მხიარული სტარტები მოსწავლეთა, პედაგოგთა და მშობელთა მონაწილეობით. შეჯიბრმა ჩაიარა საინტერესოდ და მხიარულად. მაღალი იყო გუნდების მოგების მოტივაცია. ბავშვებმა და მშობლებმა  გამარჯვებისათვის თავი არ დაზოგეს და კარგი სპორტული მზაობაც გამოავლინეს, რაშიც უდიდესი წვლილი მიუძღვის სპორტის მასწავლებელ თეონა გაბადაძეს. 

სახალისო და კეთილგანწყობილ გარემოში, გართობა–თამაშის ფორმით ხელს უწყობს, მოზარდი თაობის მასიურად ჩართვას სპორტულ და ფიზიკურ აქტივობაში, ჯანსაღი ცხოვრების წესის დამკვიდრებასა და შესაბამისი უნარ–ჩვევების ჩამოყალიბებას, ზოგადად სპორტით დაინტერესაბასა და მის პოპულარიზაციას. აღსანიშნავია, ის რომ  როდესაც მშობლები ჩართულნი არიან  სკოლის ცხოვრებაში, მოსწავლეები უფრო დადებითად არიან განწყობილნი სკოლისადმი და საკუთარი თავისა და შესაძლებლობების რწმენაც მეტი აქვთ.

გუნდებს თასები და სიგელები სკოლის დირექტორმა თენგიზ თაბუკაშვილმა გადასცა. მან მოსწავლეებს წარმატება მიულოცა, მშობლებსა და პედაგოგებს მადლობა გადაუხადა აქტიური მონაწილეობისათვის.



მოსწავლეებში ჯანსაღი ცხოვრების წესის პოპულარიზაციისთვის მნიშვნელოვანია სპორტული ღონისძიებების ხშირად ჩატარება. მსგავსი პროექტები უფრო წარმატებით განხორციელდება, თუ პროცესში მშობლებიც ჩაერთვებიან.

პედაგოგიური პრაქტიკის კვლევა პედაგოგები ნანა გორდეზიანი და ხათუნა გეწაძე-რუხვაძე

 სსიპ ქალაქ ქუთაისის N36 საჯარო სკოლაში ქართული ენისა და ლიტერატურის მასწავლებლებმა (ხათუნა გეწაძე-რუხვაძე, ნანა გორდეზიანი) ერთად განახორციელეs პედაგოგიური პრაქტიკის კვლევა საბაზო საფეხურის მე-7^ა და მე-7^გ კლასებში თემაზე: ,, როგორ განვავითაროთ კრიტიკული აზროვნება VII კლასში ქართულის გაკვეთილებზე“.  პრაქტიკული კვლევა პედაგოგებმა ჩაატარეს მიმდინარე სასწავლო წლის ნოემბერ-აპრილში. სამუშაოს დასრულების შემდეგ პედაგოგებმა მოამზადეს  კვლევის ანგარიში და მ/წ 30 მაისს   ელექტრონული სახით წარუდგინეს კოლეგებს კათედრის სამუშაო შეხვედრაზე, რომელსაც ესწრებოდნენ სკოლის მიერ არჩეულ საკვლევ კლასებში შემსვლელი მასწავლებლები, ფასილიტატორი, შეფასების ჯგუფის წევრები. პედაგოგებმა აღნიშნეს, რადგან პრობლემა საერთო იყო, მიზნად დაისახეს, ეკვლიათ მოსწავლეებში მაღალი სააზროვნო უნარების დეფიციტის გამომწვევი მიზეზები და მოეძიათ ამ პრობლემის გადაჭრის ოპტიმალური გზები. მათ დეტალურად ისაუბრეს თუ რა აქტივობები განახორციელეს პრობლემის გამომწვევი მიზეზების გამოსავლენად, ისაუბრეს კითხვარებზე, რომელიც შეიმუშავეს  ფოკუს ჯგუფებისთვის აგრეთვე ისაუბრეს ანკეტირების შედეგებზე. პრობლემის გასაცნობიერებლად და საკუთარი სუსტი მხარეების უკეთ დასანახად კოლეგებს წარუდგინეს მათ მიერ შეიმუშავებული ურთიერთდასწრების ფორმა.

დაგეგმილი კვლევის განსახორციელებლად შეგროვებული მონაცემების შესახებ და კოლეგებს წარუდგინეს განხორციელებული ინტერვენციები თავისი შედეგებით. 

   კოლეგები ყურადღებით ადევნებდნენ თვალს კვლევის შედეგად მიღებულ სტატისტიკას, მოიწონეს პედაგოგების მიერ კვლევის პროცესში განხორციელებული ინტერვენციები, დასვეს შეკითხვები:

1.      რომელი ინტერვენცია დაგეხმარათ  მიზნის მიღწევაში ყველაზე მეტად?

2.      რა პრობლემებს წააწყდით კვლევის დროს?

3.      რა რჩევებს მისცემთ პედაგოგებს, ვისაც კვლევა ჯერ არ დაუწყია?

   პასუხები გაეცა კოლეგების მიერ დასმულ ყველა შეკითხვას. სწორად დაგეგმილ და საჭიროებებზე მორგებულ ყველა ინტერვენციას მივყავართ მიზნამდე. პედაგოგებმა აღნიშნეს, რომ მათ შემთხვევაში განსაკუთრებული ინტერესი გამოიწვია ქეისებით სწავლებამ (რაც სიახლე იყო ბავშვებისთვის) და პროექტებით სწავლებამ. 

აღინიშნა ის, რომ მასწავლებლებს გვჭირდება მზაობა, რათა კრიტიკულად შევხედოთ როგორც საკუთარ თავს, ისე კოლეგების იდეებსა და პრაქტიკას. მხოლოდ საკუთარი პრაქტიკის მიუკერძოებელი და თვითკრიტიკული ანალიზითა და შეფასებით არის შესაძლებელი მიზანმიმართული პროფესიული წინსვლა.

   ვფიქრობთ, რომ პრეზენტაცია საკმაოდ საინტერესო იყო, დეტალურად  იქნა განხილული პედაგოგების მიერ განხორციელებული კვლევის ეტაპები, მეთოდები, ინტერვენციები, რეკომენდაციები, დასკვნა. შედეგები ცხრილებისა და დიაგრამების სახით იქნა წარმოდგენილი.  კოლეგებმა მოიწონეს კვლევა და აღნიშნეს:

Ø  საკვლევი საკითხი სწორადაა განსაზღვრული და დამაჯერებლადაა დასაბუთებული თემის აქტუალობა.

Ø  კვლევა საინტერესოა ყველა საგნის მასწავლებლისთვის, რადგან კრიტიკული აზროვნება ეპოქის გამოწვევაა, კრიტიკულად მოაზროვნის აღზრდა კი ჩვენ გვევალება.

Ø  მრავალფეროვანი აქტივობები, რომლებიც ხორციელდება მოსწავლეთა ინტერესებისა და საჭიროებების გათვალისწინებით, ზრდის მოსწავლეთა აქტივობას.

Ø  კვლევაში დასახელებული ინტერვენციები ნამდვილად შეუწყობს ხელს არგუმენტირებული მსჯელობის უნარის განვითარებას.

Ø  გამოცდილების გაზიარებას უდიდესი მნიშვნელობა აქვს. კოლეგების მხრიდან უკუკავშირი ხელს შეუწყობს ხარისხიანი მუშაობის პროცესს.

Ø  კვლევაში წარმოდგენილი რეკომენდაციები საინტერესოა და გასათვალისწინებელი.

Ø  მზად არიან, თავიანთ პრაქტიკაში დანერგონ მსგავსი ტიპის კვლევები, რაც დაეხმარებათ პროფესიულ განვითარებაში.

ახალი სკოლის მოდელი და შემოქმედებითი გაკვეთილები

სსიპ ქალაქ ქუთაისის N36 საჯარო სკოლაში „ახალი სკოლის მოდელის“ ფარგლებში კვლავ გრძელდება წარმატებული, ხალისიანი, შინაარსიანი და პროდუქტიული გაკვეთილების  ჩატარდა. ამჟამად  ქართულ ენასა და ლიტერატურაში ცატარდა გაკვეთილები პედაგოგ ირმა კოჭბიანის, ლიანა მამარდაშვილისა და რუსუდან ვარდოსანიძის მიერ, რომელსაც ესწრებოდა ექსპერტი ხათუნა ფირცხალაშვილი.

პედაგოგმა ირმა კოჭბიანმა გაკვეთილი ჩაატარა მე-2 კლასში,  ძირითადი ტექსტი იყო: ნინო ბეზარაშვილის მოთხრობა- „ერეთი გემი“ , რომელიც გაიშალა  თემაში „ურთიერთობები“ -რატომაა მნიშვნელოვანი თანადგომა და ურთიერთდახმარება.

      მოსწავლეებმა ჯგუფებში შექმნეს ტექსტის ამსახველი მაკეტი, გადმოსცეს თხრობითი ტექსტი, აღწერეს ნამუშევარი და ახსნეს ვიზუალური ტექსტის კავშირი სიტყვიერთან, დაახასიათეს პერსონაჟები.

 მოსწავლეები დიდი მონდომებით ასრულებდნენ სამუშაოს, ყურადღებას ამახვილებდნენ ყოველ დეტალზე. შემდეგ მოსწავლეებმა ინდივიდუალურად  შეავსეს „მკითხველის დღიური“ ამოიწერეს ტექსტიდან მთავარი აზრი, მოვლენა, წინადადება და დაუკავშირეს საკუთარ გამოცდილებას. პატარებს მოსწონთ ისეთი კომპლექსური ამოცანებისა და დავალებების შესრულება, რომლებიც მოითხოვს ურთიერთთანამშრომლობას და ერთმანეთის დახმარებას. მათი იციან, რომ  წარმატება ერთმანეთზეა დამოკიდებული,რაც გარკვეულწილად ზრდის ჯგუფურ თანამშრომლობას. მოსწავლეებმა კარგად გაართვეს თავი დავალებებს და სტუმრისგან შექება დაიმსახურეს.  ექსპერტმა მასწავლებელს მიაწოდა მნიშვნელოვანი და კონსტრუქტიული უკუკავშირი.

   მოსწავლეებმა გამოთქვეს საკუთარი მოსაზრება ახალ გამოწვევებთან დაკავშირებით, აღნიშნეს, რომ მოსწონთ სწავლა თამაშით და მოუთმენლად ელიან ყოველი დღის გათენებას, რადგან უხარიათ სკოლაში მოსვლა და არ უყვართ დასვენების დღეები. გაკვეთილმა თბილ და საქმიან ვითარებაში ჩაიარა.

 მეგობრობის თემას დაუკავშირა დღევანდელი გაკვეთილი რუსუდან ვარდოსანიძემ. მან წარმოადგინა ავთანდილ არაბიძის მოთხრობა ,,გაბუტული მეგობრები“ , რომელიც დღევანდელ რეალობაში მეტად აქტუალური და მნიშვნელოვანია, იმდენად, რამდენადაც ის კონფლიქტის თემას  ეხება.

 მოსწავლეებმა გამოკვეთენ ნაწარმოებში წამოჭრილი პრობლემა. ისაუბრეს გამომწვევ მიზეზებზე, მოსალოდნელ შედეგებზე, თუ როგორი უნდა იყოს ნამდვილი მეგობარი , რა უნდა გავაკეთოთ რათა შეცდომა გამოსწორდეს და დასახეს პრობლემის გადაჭრის გზები ურთიერთპატივისცემის, შენდობის და პატიების უნარ-ჩვევების გასავითარებლად.

პედაგოგმა ლიანა მამარდაშვილმა მე-2 კლასში წარმოადგინა თემა: შილდელის "ციყვი და კოდალა". მოსწავლეებმა ისაუბრეს და პასუხები გასცეს ტექსტის მთავარ კითხვებს: _როგორ მკურნალობდა ნაძვს კოდალა?
_ რატომ უწოდებენ კოდალას `ტყის მკურნალს~?
_ რა ზიანს აყენებენ ხოჭოები ნაძვს?
_ რომელი მავნე მწერების შესახებ სმენიათ?

განმარტეს უცხო სიტყვები, გამოიყენეს სიტყვის პირამიდა, ვენის დიაგრამა, დაახასიათეს პერსონაჟები, გამოყვეს დადებითი და უარყოფითი თვისებები. გაკვეთილი დატვირთული იყო საინტერესო ელემენტებით, რამაც განაპირობა მოსწავლეთა აქტიურობა. საზიარო კომპლექსურმა დავალებებმა უფრო მეტად დაახლოვა და გაზარდა მოსწავლეთა ჩართულობა თანამშრომლობაში, დავალებების შესასრულებლად ერთობლივმა ძალისხმევამ, ამოცანების ერთობლივად გადაჭრამ და საერთო პროდუქტის შექმნამ განაპირობა გაკვეთილის წარმატება.

პრაქტიკული კვლევის ანგარიში, პედაგოგი მაკა ბობოხიძე

სსიპ ქალაქ ქუთაისის N36 საჯარო სკოლაში 27 მაისს მაკა ბობოხიძემ წარადგინა პრაქტიკული კვლევის ანგარიში ქართული ენისა და ლიტერატურის კათედრაზე თემაზე: "ძველი ქართული ენით დაწერილი ნაწარმოებების კითხვის დროს კითხვის სტრატეგიების  ( პერიფრაზისა და კითხვა ნიშანთა სისტემით) მეთოდის გამოყენების ეფექტურობა.“

მასწავლებელმა აღნიშნა, რომ კვლევის მიზანი იყო დეტალურად შეესწავლა რა გავლენას ახდენდა პერიფრაზისა და კითხვა ნიშანთა სისტემით მეთოდების გამოყებება ჰაგიოგრაფიული ნაწარმოებების წაკითხვისა და წაკითხულის გაგება - გააზრების ხარისხზე.  სამიზნედ ავიღე ორი მეათე კლასი.  ეს ორი კლასი იმიტომ შევარჩიე, რომ ერთი გამოირჩეოდა მაღალი აკადემიური მიღწევებით მეორე კი პირიქით. მიზნად დავისახე გამომეკვლია აღნიშნული პრობლემა, რაც ამ შემთხვევაში გულისხმობდა არსებული ლიტერატურის დამუშავებას დეტალურად, საკვლევ საკითხთან დაკავშირებით. შემდეგ კი დავსახე ინტერვენციები და შევეცადე შემეფასებინა  გამოყენებული ინტერვენციების შედეგები. 

როგორც ჩატარებულმა კვლევამ ცხადყო დაბალი იყო მოსწავლეთა მოტივაცია, ჰაგიოგრაფიული ნაწარმოებები შესწავლის მიმართ. რაც შესაძლებელია სხვადასხვა მიზეზით იყო გამოწვეული, თუმცა ერთ-ერთი მიზეზი, ჩემს მიერ ჩატარებული კვლევის თანახმად, იყო ლექსიკური არეალის ნაკლებობა, მოსწავლეები ვერ იაზრებდნენ იმ ახალ ლექსიკურ ერთეულებს, რომლებიც ტექსტში უხვადაა მოცემული, რის გამოც მოსწავლეთა ნაწილი ვარდებოდა ფრუსტრაციაში. გამოქონდათ დასკვნა, რომ აღნიშნულ ტექსტს ვერასდროს გაიგებს და ვერ ისწავლის. განხორციელებული ინტერვენციების შედეგად ორივე კლასებში მოსწავლეთა აკადემიურმა შედეგებმა  ზრდა დაიწყო. მოსწავლეებმა უკეთ შეძლეს წაკითხულის გააზრება და მათი მოტივაციაც ამაღლდა.

პედაგოგებმა ისაუბრეს კვლევის შედეგებზე, გამოთქვეს სურვილი და მზაობა, რომ ისინიც აუცილებლად გაითვალისწინებენ კვლევის შედეგად შეთავაზებულ რეკომენდაციებს: კითხვის სწავლების დროს მოსწავლეთა ასაკობრივ თავისებურებებს, კითხვის  სტრატეგიების ( პერიფრაზისა და კითხვა ნიშანთა სისტემით) მეთოდებს.

შიდა შეფასების სტანდარტული გაკვეთილი ქიმიაში, თემაზე "ტუტე მეტალები", პედაგოგი დარეჯან ბაზაძე

დღეს სსიპ ქალაქ ქთაისის N36 საჯარო სკოლის მე-10 კლასში ქიმისს პედაგოგმა დარეჯან ბაზაძემ ჩაატარა შიდა შეფასების სტანდარტული გაკვეთილი თემაზე "ტუტე მეტალები", რომლის მიზანი იყო მოსწავლემ შეძლოს ტუტე მეტალების ატომის აღნაგობაის გაცნობა, ფიზიკური, ქიმიური თვისებების გამოყენება და დადგენა.
გაკვეთილის დასაწყისში მასწავლებელმა მარტივი ცდის საშუალებით სცადა მოსწავლეთა დაინტერესება საკითხის ირგვლივ, ისაუბრა კაცობრიობის განვითარების რომელ ეტაპზე იყო ცნობილი ესა თუ ის მეტალები, აქცენტი გააკეთა მათ ფიზიკურ თვისებებზე.


გაკვეთილი წარიმართა პოზიტიურ გარემოში. პედაგოგმა გამოიყენა გონებრივი იერიში რომელმაც გამოიწვია მოსწავლეში არსებული  ცოდნის გააქტიურება, იმუშავეს როგორც ჯგუფებში ასევე ინდივიდუალურადაც და  შეასრულეს მიზნობრივად შერჩეული დავალებები. 


ამ გაკვეთილით მოსწავლეებმა  არსებული ცოდნა დაუკავშირეს ახლად მიღებულ ცოდნას და მოხდა მათი გამთლიანება დავალებებითა და კითხვა-პასუხის რეჟიმით.