სსიპ ქალაქ ქუთაისის N36 საჯარო სკოლაში დღევანდელი აქტივობები დატვირთული იყო უამრავი საინტერესო აქტივობებით, რაშიც დიდი მადლობა აკაკი წერეთლის სახელმწიფო უნივერსიტეტის პროექტს "შრომის უსაფრთხოება და გარემოს დაცვას", ქალბატონ მანანა გაბიძაშვილს და ანდრო მუმლაძეს. დღეს ვიმუშავეთ და შევაფასეთ ჰაერის ხარისხი როგორც საკლასო ოთახებში, ასევე სკოლის ფოეიში. დავინტერესდით ავტომობილის გამონაბოლქვითა და მის მიერ შესაძლო დაბინძურებული ჰაერის მაჩვენებლებით. ვნახეთ თამბაქოს მოხმარებისას თუ რა სახის ნალექი შეიძლება დაილექოს ადამიანის ფილტვებში, განვსაზღვრეთ მისი ნამწვითა და კვამლით დაბინძურებული ჰაერის მაჩვენებელი, ვიმუშავეთ ჯგუფებში, შევაჯერეთ მონაცემები და წარმოვადგინეთ პროექტის სახით.
ატმოსფერო ადამიანის ერთ-ერთი ძირითადი საარსებო გარემოს წარმოადგენს. ადამიანის ორგანიზმის ნორმალური ცხოველმყოფელობისათვის დიდი მნიშვნელობა აქვს ატმოსფერული ჰაერის ნორმალური ფიზიკური და ქიმიური პარამეტრების არსებობას. ჩვენ მიერ აღებულმა მაჩვენებლებმა კიდევ ერთხელ დაგვარწმუნა, იმაში რომ ატმოსფერულ ჰაერში არსებული მტვერი მავნე ზემოქმედებას ახდენს გაცილებით უფრო მეტად ადამიანის ჯანმრთელობაზე, ვიდრე ჰაერის ნებისმიერი სხვა დამაბინძურებელი.
No comments:
Post a Comment