ცოდნის მიღების, განმტკიცებისა და სასწავლო უნარ-ჩვევების განვითარებისთვის პედაგოგები ხშირად იყენებენ დიდაქტიკურ თამაშებს, რომლებიც სწავლების აქტიურ მეთოდებს მიეკუთვნება. დიდაქტიკური თამაშების გამოყენებით მასწავლებელს შეუძლია, ლამაზად შენიღბოს სასწავლო ამოცანა, რათა მოსწავლე ბუნებრივად, სტრესის გარეშე დაეუფლოს ცოდნას. თამაში შეიძლება იყოს სახალისო, სააზროვნო, ლოგიკური, განმავითარებელი, შემეცნებითი, სიმულაციური და ინტელექტუალური. თითოეული მათგანის ეფექტიანობა, უპირველეს ყოვლისა, სწავლისადმი დადებითი განწყობის შექმნას გულისხმობს.
სსიპ ქალაქ ქუთაისის N36 საჯარო სკოლის მეხუთე კლასელებს შორის გაიმართა ტრადიციული ინტელექტუალური შეჯიბრი "ჩვენ გვიყვარს საქართველო", რომლის ხელმძღვანელი გახლდათ ისტორიის პედაგოგი, ინეზა კაციტაძე. მოსწავლეებმა საუკეთესოდ წარმოაჩინეს თავი საქართველოს მხარეების ცოდნაში. გამარჯვება წილად ხვდა მე-5ბ კლასის მოსწავლეებს. საუკეთესო კაპიტანი გახდა მე-5ა კლასის მოსწავლე ნიკოლოზ გუმბერიძე. გამოვლინდნენ თამაშის საუკეთესო მონაწილენი. სკოლის დირექციის მადლობები გადაეცათ მოსწავლეთა მშობლებს მათი შვილების წარმატებული სწავლისა და სანიმუშო დისციპლინისათვის.
No comments:
Post a Comment