ინგლისურის გაკვეთილი მე-4გ კლასში, პედაგოგი ირმა ლომიძე

2019 წლის 14 ივნისს პედაგოგმა ირმა ლომიძემ ჩაატარა ,,ახალი სკოლის მოდელის" ფარგლებში გაკვეთილი მე-4გ კლასში, რომელსაც ესწრებოდა ქოუჩი ხათუნა ფირცხალაიშვილი.

გაკვეთილის თემა: Unit 7- Is Greg ill or healthy?

გაკვეთილის მიზანი: მოსწავლემ შეძლოს ყოველ ჯერზე სწორად წაიკითხოს და დაასახელოს ახალი ლექსიკური ერთეულები, ამოიცნოს მოცემულ სიტყვათა მნიშვნელობები კონტექსტიდან და მოსმენის დროს სწორად ამოიცნოს მთავარი აზრი.

მოსწავლეების აქტიურობა იყო ძალიან დიდი. მათ კარგად შეძლეს ცოდნის მოპოვება, გამოყენება, შეძენილი ცოდნის ანალიზი და სინთეზი, ყოველივე ეს კი დაეხმარა მოსწავლეებს საკუთარი უნარების გამოვლენაში. ახალი სკოლის მოდელი გულისხმობს ტექნოლოგიებისა და ინოვაციების შეტანას სწავლების პროცესში.  ჩვენ გვყვავს უნიჭიერესი მოსწავლეები და ეს კიდევ ერთხელ დამტკიცდა ამ გაკვეთილით. 

ყველაზე საინტერესო და წარმატებული აღმოჩნდა აქტივობა სადაც მოსწავლემ მოირგო ექიმის როლი. ამ თამაშის მიზანიც სწორედ ის არის, რომ მოსწავლემ მიიღოს ახალი ცოდნა და განავითარონ თავიანთი უნარები.  

მოსწავლეს ამ უნარების უკეთ განვითარებაში კიდევ უფრო ეხმარება ინტერნეტ რესურსი "ვსწავლობთ თამაშით", მისი მეშვეობით პატარებმა გარგად ასახეს  მთავარი გმირის ვიზიტი .

ინფორმაცია საგანმანათლებლო შესაძლებლობების შესახებ- კურსი "შრომის უსაფრთხოება და გარემოს დაცვა"

დღეს აკაკი წერეთლის სახელმწიფო უნივერსიტეტშისაინტერესო შეხვედრა განხორციელდა.  კარიერის დაგეგმვის კონსულტანტი, ნატალია თურქაძე,  შეხვდა პროფესიული უნარების
განვითარების ქვეპროგრამის ფარგლებში ჩართულ სკოლების მოსწავლეებს. მან  ახალგაზრდებს მიაწოდა ინფორმაცია ყველა იმ უნივერსიტეტისა თუ პროფესიული კოლეჯის შესახებ სადაც შესაძლებელია სხვადასხვა პროფესიის დაუფლება.  სწორი კარიერული გადაწყვეტილების მისაღებად მოსწავლეს სჭირდება უფრო სიღრმისეული ინფორმაცია საგანმანათლებლო პროგრამის შესახებ.
აუცილებელია ვიცდეთ:

1. პროგრამის დასახელება,
2.  პროგრამის შინაარსი (კურსები, რომელთა გავლაც შესაძლებელია კონკრეტული პროგრამის ფარგლებში), 
3. სახელმწიფო დაფინანსება და პროგრამაზე მოხვედრისთვის საჭირო ღონისძიებები (ეროვნული გამოცდები, შიდა შესარჩევი ტური და ა.შ.),
4. პროგრამის კურსდამთავრებულთა დასაქმების პერსპექტივა (ამგვარი ინფორმაციის არსებობის პირობებში). 

კონსულტანტმა მოსწავლეებს გააცნო საიტი "გახდი პროფესიონალი და დასაქმდი"-https://vet.emis.ge/, სადაც განთავსებულია ინფორმაცია სასწავლებლებისა და პროგრამების შესახებ. ქალბატონი ნატალია მოსწავლეებს ესაუბრა ჩარიცხვისა და სწავლის პროცედურებზე, მოდულებზე, რომელთა გავლაც პროფესიის არჩევის შემთხვევაში მოუწევთ, ასევე კონკრეტული მოდულის გავლის საჭიროებებზე. მოსწავლეებმა მიიღეს ინფორმაცია პროფესიით დასაქმების შესაძლებლობების შესახებ და პროფესიის არჩევისას შრომის ბაზრის მოთხოვნების გათვალისწინებაზე, რაც შეიძლება იყოს ყველაზე გადამწყვეტი პროფესიის არჩევის დროს.

ვფიქრობთ, მიღებული ინფორმაციებზე დაყრდნობით, ჩვენი მოსწავლეები გააკეთებენ გონივრულ და სწორ არჩევანს კარიერის დაგეგმვისას და პროფესიის არჩევისას.

სასწავლო პროექტი „დედამიწა ნარჩენებში იძირება“- პედაგოგი რუსუდან გაბუნია-ლომიძე

2019 წლის 12 ივნისს ქალაქ ქუთაისის #36 საჯარო სკოლის მე-4 კლასის მოსწავლეებმა პედაგოგ რუსუდან გაბუნიას ხელმძღვანელობით წარმოადგინეს პროექტის პრეზენტაცია სათაურით „დედამიწა ნარჩენებში იძირება“.

მოსწავლეებმა  შეადგინეს ასოციაციური კავშირების რუკა თემაზე „სუფთა და დანაგვიანებული გარემო“, დაასუფთავეს სკოლის მიმდებარე ტერიტორია;  ჯგუფებში  იმსჯელეს, თუ რა საფრთხეს უქმნის მათ დედამიწის დაბინძურება; გამართეს დისკუსია- არის თუ არა გარემოს დანაგვიანება საყოველთაო პრობლემა?  რა შეუძლიათ გააკეთონ ამის თავიდან ასაცილებლად? არის თუ არა გარემოს დაცვა მათი მოვალეობა? 

პროექტზე მუშაობის შედეგად მოსწავლეებმა შეძლეს ბუნებრივი მოვლენებისა და ადამიანის ზემოქმედებით გამოწვეული ცვლილებების დანახვა და აღწერა; განუვითარდათ ნეგატიური დამოკიდებულება დანაგვიანებული გარემოსადმი; გააცნობიერეს გარემოს დანაგვიანებით გამოწვეული საფრთხე და გამოუმუშავდათ მისდამი მზრუნველი დამოკიდებულება;  შეძლეს ნარჩენების დახარისხება და განთავსება; გააცნობიერეს, რომ გარემოს დანაგვიანება გლობალური პრობლემაა და შექმნეს ბუკლეტები თავიანთი პოზიციის გამოსახატავად;  დაამზადეს გამაფრთხილებელი აბრები და განათავსეს საკლასო ოთახებში, დერეფნებსა და სკოლის მიმდებარე ტერიტორიაზე.

პროექტი დაეხმარა მოსწავლეებს 21-ე საუკუნის ისეთი უნარ-ჩვევების განვითარებაში, როგორიცაა : ახალი იდეების განვითარება, განხორციელება და სხვებისთვის გაზიარება; 
საღი მსჯელობა და ახსნა; პასუხისმგებლობის გაზიარება მუშაობის პროცესში.